Python dasturlash tilini o'rganish uchun bepul manbalar

1. Python’ni o‘rganish uchun bepul saytlar
2. Python’ni o‘rganish uchun foydali YouTube videolar
3. Python o‘rganish haqida onlayn bepul kurslar
4. Python’ni o‘rganishda kerakli kitoblar

Python’ni o‘rganish uchun bepul saytlar

Ingliz tilidan birmuncha xabardor bo‘lganlar uchun Python’ni o‘rganishda quyidagi saytlar juda ham foydali hisoblanadi.

1. LearnPython
learnpython.org - bu sayt boshlovchilar uchun juda mos keladi. Bosqichma-bosqich kod yozishni amaliy o‘rganish imkonini beradi.

2. Fullstack Python
fullstackpython.com - bu saytda Python’ni o‘rganish bo‘yicha asosan nazariy ma’lumotlar va qo‘shimcha tarzda ularning PDF formatdagi ko‘rinishi ham mavjud.

3. Pythonswaroopch
python.swaroopch.com - "A Byte of Python" deb nomlangan Python dasturlash tili bo'yicha bepul kitob joylangan sayt. U yangi boshlovchilar uchun Python tili bo'yicha juda kerakli qo'llanma sifatida xizmat qiladi.

4. Data camp
datacamp.com - Python’dagi asosiy bajariladigan amallar va kod yozishlarni o‘rganish uchun juda ajoyib sayt. Har bir darsdan so‘ng amaliy topshiriqlar ham bajarib borishingiz mumkin.

5. Real Python
realpython.com - Python dasturlash tilini o‘rganishda turli darajadagi o‘quvchilar uchun mos bo‘lgan o‘quv platformasi hisoblanadi. Bu yerda Python bilan ishlash uchun zarur bo'lgan ko'nikmalarni o'rgatadigan ko‘plab materiallar jamlangan.

Python’ni o‘rganish uchun foydali YouTube videolar

- Pythonga kirish
Bunda Python dasturlash tilini o‘rganish uchun o‘zbek tilidagi videolar to‘plamini ko‘rib ma’lumot olishingiz mumkin.

- Python Full Course for Beginners
Ushbu keng qamrovli video qo'llanma sizga Python dasturlash tili haqida boshlang'ich darajadan kerakli bilimlarni o‘rganishda yordam beradi.

- Learn Python With This ONE Project!
Bu videoda Python dasturlash tilini real loyiha orqali tushuntirib berilgan.

Python o‘rganish haqida onlayn bepul kurslar

Udemy, Coursera, Codacademy kabi turli xil onlayn platformalar rus va ingliz tillaridagi bepul kurslar mavjud, bo‘lib, Python dasturlash tilini o‘rganishingizda katta yordam beradi. Ushbu kurslarda dunyoning nufuzli universitetlari professor va ustozlari tomonidan yozib olingan. Quyida esa, Udemy platformasidagi bir nechta bepul kurslar ro‘yxatini taqdim etamiz:

Learn Python for Total Beginners - ushbu kursda endi boshlovchilar uchun Python bo‘yicha bir kunda 5 ta turli aqliy mashqlar va toʻliq yechimlar taqdim etiladi.

Learn the Building Blocks of Python for Absolute Beginners - Python dasturlash tilining fundamental asoslarini o‘rganish uchun foydali kurs hisoblanadi.

Learn Python: Python in 80 Minutes for Beginners -  veb-ishlab chiqish, Django va shu kabi Python dasturlash tili bilan bog‘liq kerakli bilimlarni o'rganish mumkin bo‘lgan kurs.





Python’ni o‘rganishda kerakli kitoblar

Python dasturlash tilini o'rganish uchun bir nechta yaxshi kitoblar mavjud. Quyidagi ro'yxatda siz uchun eng TOP kitoblarni ko'rishingiz mumkin:

"Python Crash Course" by Eric Matthes - boshlang'ich darajadagi dasturchilar uchun bo'lib, amaliyotda dasturlar yozishga mo'ljallangan.

"Automate the Boring Stuff with Python" by Al Sweigart - Python orqali qo'llaniladigan bir nechta mashhur dasturlash ta'minotlarini o'rgatadi va amaliyotda qanday qo'llanilishni ko'rsatadi.

"Fluent Python" by Luciano Ramalho - Agar siz Python tilini chuqurroq tushunmoqchi bo'lsangiz, bu kitob juda foydali bo'ladi. U Pythonning yuqori darajada qanday ishlashini tushuntiradi.

"Effective Python: 90 Specific Ways to Write Better Python" by Brett Slatkin -  Python kodini eng samarali va effektiv tarzda qanday yozishni o'rganishingiz mumkin.

"Python Cookbook" by David Beazley and Brian K. Jones - amaliyotda dasturlar yozish va Python tilining eng yaxshi usullari bilan tanishishingiz uchun yaxshi manba.

"Python in a Nutshell" by Alex Martelli - Pythonning har qanday versiyasini qo'llashda yordam bera oladigan qo'llanma bo'lib, Python tilini tushunishga yordam beradi.

Python dasturlash tilini kuchli tajribaga ega ustozlardan o‘rganib, zamonaviy kasb egasi bo‘lishni istasangiz, “Najot Ta’lim” Python kursida ta’lim oling.


#python #dasturlash #bepul_o'rganish