Grafik dizayn juda qiziqarli soha bo‘lib, unda ijodkorlik va texnik bilim uyg‘unlashadi. Biroq, ko‘plab yangi boshlovchilar ba’zi oddiy xatolarga yo‘l qo‘yishadi, bu esa ularning ishini sifatiga salbiy ta’sir qiladi. Quyida biz eng ko‘p uchraydigan 5 ta xatoni va ularni qanday oldini olish mumkinligini ko‘rib chiqamiz. 

#1 Juda ko‘p shriftlardan foydalanish

Xato: Har xil shriftlarni ishlatish dizayningizni chalg‘ituvchi va tartibsiz ko‘rsatadi. Bu o‘quvchining e’tiborini asosiy xabardan chalg‘itadi.

Yechim: 2 yoki 3 ta shrift bilan chegaralaning. Odatda, bitta sarlavha shriftini, bitta asosiy matn shriftini tanlang. Agar qo‘shimcha kerak bo‘lsa, o‘sha oiladagi shrift turidan foydalaning.

#2 Bo‘sh joylardan noto‘g‘ri foydalanish

Xato: Ko‘p dizaynerlar har bir burchakni to‘ldirishga harakat qilishadi. Bu esa dizaynni siqilgan va chalkash qilib qo‘yadi.

Yechim: Bo‘sh joydan foydalanish – bu dizaynning muhim qismi. U elementlar o‘rtasida nafas olish imkonini beradi, matnni o‘qishni osonlashtiradi va umumiy ko‘rinishni yaxshilaydi.

#3 Rangi mos kelmaydigan palitra tanlash

Xato: Noaniq, bir-biriga to‘g‘ri kelmaydigan ranglar dizaynni yomon ko‘rsatadi. Bu ko‘rinishni buzadi va professional emasdek tuyuladi.

Yechim: Ranglar nazariyasini o‘rganing. Rangi mos palitralarni tanlashda Coolors kabi vositalardan foydalaning. 2–3 asosiy rangni tanlab, ularni bir-biriga muvofiqlashtiring.

#4 Vizual ierarxiyaga e’tibor bermaslik

Xato: Muvofiq tartibda joylashtirilmagan matn va elementlar foydalanuvchini chalkashtiradi. Odamlar qayerdan boshlashni bilmay qolishadi.

Yechim: Muhim ma’lumotlarni yirikroq, qalinroq yoki rangli qilib ajrating. Sarlavhalar, bo‘limlar va asosiy xabarlar aniq ajralib turishi kerak. Odamlar matnni qanday o‘qishini hisobga oling — chapdan o‘ngga, yuqoridan pastga.

#5. Past sifatli rasmlardan foydalanish

Xato: Tarang bo‘lgan yoki loyqa (xiralashgan) rasmlar dizayn sifatini pasaytiradi va ishingizni havaskordek ko‘rsatadi.

Yechim: Yuqori sifatli rasmlardan foydalaning. Agar kerak bo‘lsa, Unsplash, Pexels, yoki Pixabay kabi bepul rasm manbalaridan foydalaning. Agar dizayningiz bosmaga mo‘ljallangan bo‘lsa, rasmning piksellar soniga alohida e’tibor bering.

Grafik dizayn ko‘nikmasini rivojlantirish vaqt talab qiladi. Lekin ushbu keng tarqalgan xatolardan xabardor bo‘lish va ularni oldini olish orqali siz yanada professional dizaynerga aylanasiz. Har bir loyihada oddiylik, aniqlik va o‘quvchi uchun qulaylikni yodda tuting.

Bu xatolarni takrorlamaslik va dizaynni professional tarzda o'rganish uchun tajribali ustozdan bilim olish kerak. Najot Ta'lim markazida 3 yildan oshiq tajribaga ega grafik dizayn ustozlari ta'lim berib keladi. Agar siz ham ushbu sohani o'rganishni istasangiz, havola orqali ro'yxatdan o'ting. Kurslarga qabul ochiq!


👉🏻 Ro'yxatdan o'tish 
78-888-9-888
Administratsiyaga bog'lanish