Najot Ta’limda Ikrom Sharif ishtirokida “Men kitobdan nima olaman?” mavzusida suhbat bo‘lib o‘tdi. Uchrashuv kitobxonlik va mutolaaning inson hayotidagi o‘rniga bag‘ishlandi.
“Men kitobdan nima olaman?” — bu savol har bir kitobxonni o‘z mutolaasi haqida o‘ylashga undaydi. Kitob biz uchun yangi ma’lumot manbaimi, hayotiy savollarga javob topish vositasimi yoki o‘zimizni yaxshiroq anglash imkoniyatimi? Mutolaaning qadri o‘qilgan sahifalar soni bilangina emas, undan olingan fikr va xulosalar bilan ham belgilanadi.
Kitobni tushunib o‘qish, muallif fikrlari ustida mulohaza yuritish va ularni o‘z tajribamiz bilan solishtirish mutolaani mazmunli qiladi. O‘qilgan asardan hayotda qo‘llash mumkin bo‘lgan xulosa chiqarish esa kitob bilan o‘tkazilgan vaqtning amaliy samarasidir.
Ikrom Sharif bilan tashkil etilgan suhbat ana shu muhim mavzu — kitobdan olinadigan bilim va uning shaxsiy hayotimizdagi ahamiyatiga e’tibor qaratdi.