14-fevral kuni Najot Ta'lim Chilonzor filialida startapga qiziquvchilar uchun juda foydali va ilhomlantiruvchi master-klass bo‘lib o‘tdi. Tadbir mehmoni — Muxammad Xalil, “Start Up Garage” loyihasi asoschisi bo‘lib, u ishtirokchilar bilan o‘z tajribasi asosida startup qurishning real jarayonlari bilan bo‘lishdi. Master-klass davomida startup nima ekanligi, g‘oyani qanday qilib bozorda tekshirish, uni sotishga chiqarish va jamoa bilan ishlash kabi muhim mavzular muhokama qilindi. Ishtirokchilar esa o‘z g‘oyalari bo‘yicha savollar berib, bevosita maslahat olish imkoniga ega bo‘lishdi. Tadbir ko‘pchilik uchun start up'ga birinchi qadamni tashlashga motivatsiya bo‘ldi va yangi loyihalar uchun yaxshi turtki berdi.