Raqamli mahsulotlarning muvaffaqiyati uchun ham UI (foydalanuvchi interfeysi dizayni), ham UX (foydalanuvchi tajribasi) juda muhimdir. UI va UX — veb-dizaynning bir-birini to‘ldiruvchi ikki jihati. UI — interfeys dizayniga urg‘u bersa, UX — foydalanuvchi mahsulot yoki xizmat bilan qanday tajriba orttirishini o‘rganadi. Keling, Veb dizaynerlar ishlatadigan vositalar bilan tanishib chiqamiz.

UI va UX dizayn jarayonida foydalaniladigan vosita turlari

Prototiplash vositalari

Bu vositalar dizaynerlarga interaktiv maket va prototiplar tayyorlashga yordam beradi, bu orqali ular o‘z g‘oyalarini joriy etishdan oldin sinab ko‘rish va takomillashtirish imkoniga ega bo‘ladilar. Mashhur prototip vositalariga Figma, Adobe XD, InVision, Marvel kabi dasturlarni misol qilishimiz mumkin.

Wireframe vositalari

Bu vositalar dizaynerlarga past aniqlikdagi interfeys rejalari (wireframe) va struktura sxemalarini tayyorlashga yordam beradi. Wireframe vositalariga Balsamiq, Lucidchart, Miro dasturlarini misol qilishimiz mumkin.

UI dizayn vositalari

Bu vositalar yuqori aniqlikdagi maketlar, vizual elementlar va interfeyslar tayyorlash uchun ishlatiladi. Ko‘pincha tayyor UI komponentlar kutubxonalarini o‘z ichiga oladi. Sketch, Adobe XD, Figma kabi dasturlar mashur UI dizayn vositalariga kiradi.

Hamkorlik va topshirish vositalari

Bu vositalar dizaynerlar va dasturchilar o‘rtasidagi hamkorlikni osonlashtiradi, dizayn fayllari va texnik tavsiflarni samarali uzatishga yordam beradi. InVision va Marvel mashur hamkorlik dasturlari hisoblanadi.

1. Figma – Real-vaqtli hamkorlik va prototiplash

Figma – bu bulutga asoslangan dizayn vositasi bo‘lib, real-vaqtli hamkorlik imkoniyatini taqdim etadi. Bu dastur yordamida bir nechta dizaynerlar bir vaqtning o‘zida bir loyiha ustida ishlay oladi, bu esa jamoaviy ishni soddalashtiradi. Statistik ma'lumotlarga ko‘ra 2024-yilda dizaynerlarning 82% Figma’ni asosiy dizayn vositasi sifatida tanlagan (Manba: UXTools Survey 2024).

Afzalliklari:

• Bulutga asoslangan: Har qanday qurilmadan kirish mumkin.
• Real-vaqtli hamkorlik: Jamoa a’zolari bir vaqtning o‘zida dizayn ustida ishlay oladi.
• Kengaytirilgan plaginlar: Turli plaginlar yordamida funksionallikni kengaytirish mumkin.
  
  

2. Adobe XD – Adobe ekotizimi bilan mukammal integratsiya

Adobe XD – Adobe oilasining UI/UX dizayni uchun yaratilgan mahsuloti. Bu dastur yordamida foydalanuvchi interfeyslarini tayyorlash, prototiplash va test qilish mumkin.

Afzalliklari:

• Adobe mahsulotlari bilan integratsiya: Photoshop, Illustrator kabi dasturlar bilan uyg‘un ishlaydi.
• Interaktiv prototiplash: Foydalanuvchi oqimlarini tayyorlash va test qilish imkoniyati.
• Responsive dizayn: Turli qurilmalar uchun moslashtirilgan dizaynlar tayyorlash.
  
  

3. Sketch – Mac foydalanuvchilari uchun ideal tanlov

Sketch – faqat MacOS uchun mo‘ljallangan, lekin juda kuchli va kengaytirilgan dizayn vositasi. Bu dastur yordamida vektorli grafikalar tayyorlash, prototiplash va dizayn elementlarini boshqarish mumkin.

Afzalliklari:

• Yengil va tezkor: Tez ishlash vaqti bilan ajralib turadi.
• Plaginlar ekotizimi: Turli plaginlar yordamida funksionallikni kengaytirish mumkin.
• Responsive dizayn: Turli ekran o‘lchamlari uchun dizaynlar tayyorlash imkoniyati.
  
  

4. InVision – Prototiplash va mijozlar bilan ishlash uchun

InVision – dizaynerlar uchun prototiplash, fikr-mulohaza olish va jamoaviy ishni soddalashtiruvchi vosita. Bu dastur yordamida interaktiv prototiplar tayyorlash va ularni mijozlar bilan baham ko‘rish mumkin.

Afzalliklari:

• Interaktiv prototiplash: Foydalanuvchi oqimlarini tayyorlash va test qilish imkoniyati.
• Fikr-mulohaza olish: Mijozlar va jamoa a’zolaridan tezkor fikr olish imkoniyati.
• Integratsiya: Sketch, Photoshop kabi dasturlar bilan uyg‘un ishlaydi.

 

5. Axure RP dasturi

Axure RP – murakkab foydalanuvchi oqimlari va interaktiv prototiplar tayyorlash uchun mo‘ljallangan vosita. Bu dastur yordamida foydalanuvchi oqimlari, diagrammalar va interaktiv prototiplar tayyorlash mumkin.

Afzalliklari:

• Murakkab prototiplash: Dinamik kontent va foydalanuvchi oqimlarini tayyorlash imkoniyati.
• Diagrammalar: Foydalanuvchi oqimlari va axborot arxitekturasi diagrammalarini tayyorlash.
• Test qilish: Prototiplarni foydalanuvchilar bilan test qilish imkoniyati.
  
  

6. Framer – Koderlar uchun dizayn vositasi

Framer – dizaynerlar va dasturchilar uchun mo‘ljallangan, interaktiv prototiplar tayyorlash imkonini beruvchi vosita. Bu dastur yordamida React komponentlari asosida prototiplar qilish mumkin.

Afzalliklari:

• Kod asosida prototiplash: React komponentlari yordamida prototiplar qilish.
• Real-vaqtli tahrirlash: Dizayn va kodni bir vaqtning o‘zida tahrirlash imkoniyati.
• Integratsiya: Turli dizayn vositalari bilan uyg‘un ishlaydi.
  
  

7. Balsamiq – Wireframing uchun eng yaxshi vosita

Balsamiq – tezkor va sodda wireframe (skelet) dizaynlarini tayyorlash uchun mo‘ljallangan vosita. Bu dastur yordamida dastlabki dizayn g‘oyalarini tezda vizual ko‘rinishga keltirish mumkin.

Afzalliklari:

• Soddalik: Foydalanish uchun oson va intuitiv interfeys.
• Tezkorlik: Dastlabki dizayn g‘oyalarini tezda tayyorlash imkoniyati.
• Kengaytirilgan kutubxona: Turli UI elementlari kutubxonasi mavjud.
  
  

Xulosa

UI/UX dizaynerlar uchun to‘g‘ri dasturlarni tanlash, dizayn jarayonini soddalashtirish, samaradorlikni oshirish va foydalanuvchilarga mukammal tajriba tayyorlashda muhim rol o‘ynaydi. 

Agar siz UI/UX dizayn sohasida o‘z bilim va ko‘nikmalaringizni oshirmoqchi bo‘lsangiz, Najot Ta’lim kurslariga yoziling va o‘zingizni professional dizayner sifatida rivojlantiring.


Ro'yxatdan o'tish 

78-888-9-888
Administratsiyaga bog'lanish