Butunjahon iqtisodiy forumi 2025-yilda ishchilarga va tashkilotlarga kerak bo‘ladigan eng yaxshi  ko‘nikmalarni e’lon qilgan. 2020-yildagi voqealar va global pandemiya butun dunyo bo‘ylab keng ko‘lamli o‘zgarishlarni keltirib chiqardi. Kichik korxonalardan tortib, xalqaro katta kompaniyalargacha, tez o‘zgarishlar va noaniqlik ta’siriga  duch keldi. Darhaqiqat, 2025-yilga kelib, inson va mashinalar tomonidan bajariladigan ish soatlari tenglashadi, bu esa texnologiyaning katta ta’sirini ko‘rsatadi.

Avtomatlashtirish, raqamlashtirish va tez o‘zgarishlar ma’lumotlarni tahlil qilish,  axborot xavfsizligi sohalarida ko’plab ish o’rinlarini yaratadi. Buning aksi o‘laroq, ma’lumotlarni kiritish, yig‘ish, zavod ishlari va omborxona ishi kabi rollar kamayib boradi. Chunki ularning aksariyati texnologiyalar bilan almashtiriladi.

Ba’zi ish o‘rinlarining yo‘qolishi xavotirli tuyulishi mumkin, ammo vaziyat qo’rqinchli emas. Aslida, siz texnik ko‘nikmalardan tortib soft skill’laringizni rivojlantirib,  talabgir xodim bo’lib qolishingiz mumkin. Quyidagi ko‘nikmalarga diqqat qiling.

1. Analitik fikrlash va innovatsiyalar

Tobora murakkablashib borayotgan dunyoda tahliliy fikrlash qobiliyati muhim ahamiyatga ega. Kengroq biznesda yuzaga keladigan muammolarni tahlil qilish va ularga yechim topishni  o‘rganish uchun hech qachon erta emas. Tahliliy fikrlash hamma uchun ham tabiiy emas, lekin yaxshi tomoni shundaki, siz uni o‘quv dasturingizga kiritishingiz mumkin va bu deyarli barcha xodimlarga foyda keltiradi.

2. Ijodkorlik va tashabbuskorlik

Texnologiya va avtomatlar uchun eng qiyin narsa Ijodkorlik. Bu deyarli imkonsiz narsa. Kompyuterlar ma’lum darajada "ijodiy" bo‘lishi mumkin (ular hatto foydali maqolalar ham yozishlari mumkin), ammo ular brendlash, ohang yoki o‘ziga xos yondashuvlar kabi noziklik yoki nomoddiy qadriyatlarni tushunmaydilar. Ijodkorlik va o‘ziga xoslik xodimlar uchun har doim qadrli bo‘ladi.

3. Murakkab masalalarni yechish

Ishda duch keladigan muammolarimiz murakkablashib borayotgani bizni hayron qoldirmasligi kerak. Ammo kelgusi yillarda muammolarni hal qilish qobiliyati juda muhim bo’lib qoladi. Geymifikatsiya - bu xodimlarga muammolarni hal qilish ko‘nikmalarini rivojlantirishga yordam berishning ajoyib usuli hisoblanadi. Bu strategiya to‘g‘ri qo‘llanilganda, tashkilotlar uchun muammolarni hal qilishning samarali vositasi bo‘lib xizmat qiladi. Geymifikatsiyalangan modullar mavzuga yangicha yondashuvni oshiradi, alternativ nuqtai nazar bilan o‘rganuvchining tanqidiy fikrlash qobiliyatini oshiradi. Bu nafaqat xodimlar balki ta’lim jarayonida ham samarali vosita hisoblanadi. “Najot Ta’lim” markazi ham raqobatdoshlik orqali ta’lim sifatini yaxshilash maqsadida o’quvchilar uchun geymifikatsiya tizimini yo’lga qo’ygan.

4. Tanqidiy fikrlash va tahlil

Tanqidiy fikrlash qobiliyati har bir roldagi odamlar uchun bebaho. Tanqidiy fikrlash "nuqtalarni birlashtirish" va duch kelishi mumkin bo‘lgan muammolar haqida aniq va oqilona fikr yuritishdir. Muammolarning tagiga yetish uchun tanqidiy fikrlash va tahlil qilishning insoniy ta’siriga doimiy muhtoj bo’lamiz.

5. Yetakchilik va ijtimoiy ta’sir

Ijtimoiy tarmoqlarda kuzatuvchilarni sotib olishingiz mumkin bo‘lsa-da, bu ijtimoiy ta’sir bilan bir xil emas. Haqiqiy ijtimoiy ta’sir vaqt o‘tishi bilan obro‘ va munosabatlarni shakllantirishdan kelib chiqadi. Xuddi shu narsa yetakchilikka ham taalluqlidir - rahbar sifatida hurmatga sazovor bo‘lish vaqt va sa’y-harakatlar bilan qo‘lga kiritiladi.

6. Texnologiyalardan foydalanish, monitoring va nazorat

Ajablanarlisi shundaki, texnologik ko‘nikmalar ishchilar uchun juda muhimdir. Texnologiyalarni tezda o‘zlashtirib olish, ulardan qanday foydalanishni bilish va buni boshqalarga yetkazib berish tez orada har bir sohada, agar bu allaqachon amalga oshirilmagan bo‘lsa, muhim ahamiyatga ega bo‘ladi.

7. Stressga chidamlilik

2020-yildagi voqealar ish joyida barqarorlik va moslashuvchanlik zarurligini ko‘rsatdi. Bosim ostida xotirjam bo‘lish, zarbalar bilan harakat qilish va stress sizni bosib ketishiga yo‘l qo‘ymaslik hech qachon bu qadar muhim bo‘lmagan. Bosim va stressga chidamlilik xodimlarga kelgusi yillarda rivojlanish uchun zarur bo‘lgan boshqa ko‘nikmalarni oshirishga ham yordam beradi.

Yangi ish dunyosiga keyingi qadamni tashlashga tayyormisiz? Kelajak kasblari hisoblanadigan AyTi sohasini o‘rganib, keyingi yilda mutaxassis bo‘lishingiz mumkin. “Najot Ta’lim” ham AyTi’ni o‘rganib ham ushbu ko‘nikmalarni rivojlantirishingiz uchun juda ko‘p sharoitlar taqdim etadi. 

Quyidagi havola orqali dasturlash, dizayn va marketing kurslariga ro‘yxatdan o’ting.

👉🏻 Ro‘yxatdan o‘tish

Manba


#Softskillar, #Hardskillar, #Engkerakliko'nikmalar