Digital marketing yoki raqamli marketing bu - brendni tanitish va mahsulot sotish uchun potensial mijozlar bilan internet va boshqa raqamli texnologiyalar orqali bog‘lanishdir. Raqamli marketing elektron pochta, ijtimoiy tarmoqlar yoki veb saytga asoslangan reklamalar, matn va multimedia xabarlarini ham o‘z ichiga oladi.

Hozirgi kunda raqamli marketingning juda ko‘p turlari bor. Quyida ularning 5 tasi haqida ma’lumot berilgan.


1. Search engine optimization (SEO) — bu sizning veb-saytingizni Google yoki Yandex kabi qidiruv tizimlarida yuqori sahifalarda chiqishi saytni sozlash usulidir. Oddiy qilib aytganda, SEO yordamida sahifa foydalanuvchilar izlayotgan kalit so‘zlar orqali topiladi. Kalit so‘zlar bu odamlar qidiruvda yozadigan so‘zlar. Masalan, “SEO nima” yoki “Onlayn marketing kurslari”. Saytingizda shu so‘zlar mantiqan va tabiiy joylashtirilsa, Google saytni shu so‘zlar orqali ko‘rsatadi.

2. Kontent marketing — mijozlarni jalb qilish, ishonch qozonish va brendni mustahkamlash uchun qimmatli va dolzarb kontent yaratish va tarqatishdir. U an’anaviy reklamalardan farqli o‘laroq, to‘g‘ridan-to‘g‘ri sotuvga emas, balki auditoriyaga haqiqiy foyda yetkazish orqali qiziqish uyg‘otishga qaratilgan.
Bloglar, videokontent, intervyular, foydali ijtimoiy tarmoq postlari va elektron qo‘llanmalar kontent marketingning ajralmas qismidir.

3. E-mail marketing — Elektron pochta marketingining mohiyati juda oddiy. Siz reklama xabarini yuborasiz va bo‘lajak mijozingiz uni tanlashiga umid qilasiz. Biroq, sotib olishigacha bo‘lgan jarayon ancha murakkab. Eng muhimi, xatlaringiz mijoz uchun kerakli ekaniga ishonch hosil qilishingiz kerak.

4. Social Media Merketing (SMM) — bu brendni keng auditoriyaga tanitish, ularni faol muhokamaga jalb qilish va ishonchni mustahkamlashdir. Bugungi kunda milliardlab odamlar o‘z vaqtlarining katta qismini ijtimoiy tarmoqlarda o‘tkazayotgani sababli, ushbu marketing strategiyasiga sarmoya kiritish brend uchun katta imkoniyatlar yaratadi.

SMM yordamida siz:

• Mahsulot yoki xizmatlaringizni vizual va interaktiv tarzda ko‘rsatishingiz;

• Brendingizning qadriyatlari va madaniyatini ommaga yetkazishingiz;

• Mijozlar bilan ishonchli aloqalarni o‘rnatishingiz mumkin.
  
  

Eng mashhur SMM platformalari — Facebook, Instagram va YouTube bo‘lib, ulardan tashqari X (Twitter) va LinkedIn ham kuchli marketing vositalariga aylangan. Har bir platforma o‘ziga xos auditoriyaga ega bo‘lib, tanlovingiz sizning biznes maqsadlaringiz va maqsadli mijozlaringizga bog‘liq bo‘ladi.


5. Influenser marketing — taniqli shaxslar, kontent yaratuvchilar yoki o‘z sohasining mutaxassislari orqali mahsulot yoki xizmatlarni targ‘ib qilish usulidir. Ular o‘zlarining katta va faol auditoriyasiga sizning brendingizni tanishtiradi, tavsiya qiladi va ishonch uyg‘otadi. O‘zbekistonda ayniqsa Instagram, TikTok, YouTube va Telegram’da inflyuyenser marketing keng tarqalgan.

Biroq, har qanday katta auditoriyaga ega kontent maker bilan ishlash noto‘g‘ri. Nufuzli va brendingiz qadriyatlariga mos inflyuyenserni tanlash eng muhimi. Chunki u sizning brendingizning "yuzi"ga aylanadi.

Xulosa

Digital marketing bugungi kunning eng dolzarb va strategik yondashuvlaridan biri bo‘lib, u har qanday biznes rivojida muhim rol o‘ynaydi. Zamonaviy texnologiyalar va internet sababli, mijozlarga yetib borish, ularning ishonchini qozonish va brendni rivojlantirish imkoniyati sezilarli darajada oshdi.

SMM, kontent marketing, influencer marketing, SEO kabi strategiyalar har bir biznes uchun o‘ziga xos foyda keltiradi. Ayniqsa, O‘zbekistonda Telegram, Instagram va YouTube kabi platformalar orqali marketing yuritish eng samarali vositalardan biri sanaladi.

Siz qaysi digital merketing turini tanlagan bo‘lar edingiz?

78-888-9-888
Administratsiyaga bog‘lanish