Sun’iy intellekt asoslari

Sun’iy intellekt odatda inson intellektini talab qiladigan vazifalarni bajara oladigan kompyuter tizimlari yig’indisi hisoblanadi.  Bu vazifalarga o‘rganish, mulohaza yuritish, muammoni hal qilish, idrok etish, tilni tushunish va qaror qabul qilish kiradi. Sun’iy intellekt murakkab muammolarning yechimini topish va samaradorlikni oshirish uchun inson aql-idrokiga taqlid qiladi. 

Sun’iy intellektning bir qancha turlari mavjud. Masalan, tor sun’iy intellekt – (zaif sun’iy intellekt deb ham ataladi) muayyan vazifalarni bajarish uchun mo‘ljallangan va cheklangan imkoniyatlarga ega. Boshqa tomondan, umumiy SI – (kuchli SI deb ham ataladi) hali ham faraziy tushuncha hisoblanadi. U inson kabi fikrlash va o‘rganish qobiliyatiga ega, ongli va o‘z-o‘zini anglaydigan mashinalarni rivojlantirishni nazarda tutadi.

ML (Machine learning) – sun’iy intellektning muhim elementi bo‘lib, unda kompyuterlar aniq dasturlashtirilmagan holda tajriba orqali o’rgatiladi va takomillashtiriladi. Chuqur o‘rganish, ML’ning bir yo‘nalishi bo‘lib, katta hajmdagi ma’lumotlar to‘plamlarida sun’iy neyron tarmoqlarni o‘rgatishni o‘z ichiga oladi. Bu jarayon qonuniyatlarni aniqlash va ularga asoslanib qarorlar qabul qilishga qaratilgan.

Samaradorlik va uning asosiy omillari

Samaradorlik – bu maqsadga erishish uchun ishlatilgan resurslarning optimal darajada sarflanishini ifodalovchi tushuncha. Ya’ni, kamroq vaqt, kuch, yoki mablag‘ sarflab, ko‘proq natijaga erishish.

Samaradorlikka bir nechta muhim omillar ta’sir ko‘rsatadi:

Texnologiya: Zamonaviy texnologiyalar, jumladan avtomatlashtirish unumdorlikka bevosita ta’sir ko‘rsatadi. Texnologiyalar jarayonlarni tartibga soladi, xatolarni kamaytiradi  va vaqtni tejaydi. Texnologiyaning bir qismi sifatida sun’iy intellekt va maxsus dasturiy ta’minotlarni  ishlab chiqish samaradorlikni oshirishda muhim rol o‘ynashi mumkin.

Ishchi kuchi: Xodimlarning bilim, ko‘nikma va qobiliyatlari unumdorlik uchun hal qiluvchi ahamiyatga ega. Yaxshi tayyorlangan va malakali xodimlar yanada samaraliroq natijalar qilishadi.

Boshqaruv amaliyoti: To‘g‘ri rejalashtirish, tashkil etish va muloqot kabi boshqaruv amaliyoti samaradorlikka sezilarli ta’sir ko‘rsatadi. Agar kompaniya kuchli yetakchilikka va qaror qabul qiluvchi boshqaruvchiga ega bo‘lsa, bu resurslarni yaxshiroq taqsimlash va yuqori unumdorlikka olib keladi.

Samaradorlikni oshirishda Sun’iy intellekt yordami

Sun’iy intellekt deyarli barcha sohalarda samaradorlikni oshirish uchun foydali manba bo‘lib kelmoqda. Sun’iy intellektga asoslangan texnologiyalardan foydalanish orqali kompaniyalar ish jarayonlarini tartibga solishi, samaradorligini oshirishi va resurslarni optimallashtirishi mumkin.

1. Takroriy vazifalarni avtomatlashtirish: SI asosidagi dasturlar ma’lumotlarni kiritish, hisobotlarni tayyorlash va mijozlarga xizmat ko‘rsatish so‘rovlari kabi takroriy vazifalarni avtomatlashtirishga yordam beradi. Bu esa xodimlarga ko‘proq strategik vazifalarga e’tibor qaratish uchun vaqt ajratib beradi. 

2. Individual tushunchalar: SI shaxsning ish qoidalari va xohish-istaklariga asoslangan tavsiyalarni taqdim etishi mumkin. Bu xodimlarga o‘z ishining ustuvorligini belgilash va yaxshiroq qarorlar qabul qilishga yordam beradi.

3. Rejalashtirish: SI alohida  yig‘ilishlar, individual ish jarayoni va boshqa omillarga asoslanib, rejalar qilishni optimallashtiradi. Bu vaqt va resurslardan samaraliroq foydalanishga, ziddiyatlarni kamaytirishga yordam beradi.

4. Kuchaytirilgan hamkorlik: SI bilan ishlaydigan dasturlar real vaqt rejimida tarjima, avtomatik transkripsiya va virtual yordam ko‘rsatish orqali hamkorlik va aloqani osonlashtirishi mumkin. Bu geografik joylashuv yoki til to‘siqlaridan qat’iy nazar, jamoalarga yanada samarali ishlashga yordam beradi.

5. Ma’lumotlarga asoslangan qaror qabul qilish: SI katta hajmdagi ma’lumotlarga asoslanib, tushuncha va prognozlar taqdim etishi mumkin. Bu esa qaror qabul qilishda, tahlil jarayonida va strategik rejalashtirishni yaxshilashda yordam beradi.
   

Top 3 ta Sun’iy intellekt dasturlari

1. ChatGPT
   OpenAI tomonidan tayyorlangan ChatGPT inson-kompyuter hamkorligini tubdan o‘zgartira oladigan SI chatbotdir. U tabiiy suhbat va bir nechta vazifalarni bajarish uchun mo‘ljallangan. U til asosidagi javoblarni qayta ishlash va berish qobiliyatiga ega bo‘lib, uni shaxsiy va professional foydalanish uchun qimmatli vositaga aylantiradi.
   
   
2. Midjourney
   Midjourney sun’iy intellekt yordamida matnni tasvirga aylantirib beradi. Tasavvur qiling, tasvirni shunchaki so‘zlarda ifodalaysiz. Midjourney esa uni tasvirga aylantirib beradi. Foydalanuvchilar sun’iy intellekt bilan qulay Discord boti orqali o‘zaro aloqada bo‘lib, unga rasm yaratish jarayonini boshqaradigan matnli so‘rovlarni yuboradi. 
   
   
3. GitHub Copilot
   Ehtiyojlaringizni oldindan biladigan va siz bilan birga kod yozadigan dasturchi hamrohni tasavvur qiling. GitHub Copilot aynan shuni amalga oshiradi. Ushbu kuchli yordamchi dasturchilarga kodni tez va kamdan-kam xatolar bilan yozish imkonini beradi.

Xulosa

Sun’iy intellekt nafaqat bugungi kunda samaradorlikni sezilarli darajada oshiradigan amaliy vositadir. Sun’iy intellekt oddiy vazifalarni avtomatlashtirish, ma’lumotlarni samarali tahlil qilish va jarayonlarni optimallashtirish orqali shaxslarga kamroq resurslar bilan ko‘proq narsaga erishish imkonini beradi.

Yuqoridagi kabi sun’iy intellektlar Python dasturlash tilida tayyorlanadi. Siz ham hozirgi kun talabidagi dasturlash tilini o‘rganib, zamonaviy kasb egasi bo‘lishni istasangiz, “Najot Ta’lim”dagi Python kursi uchun ro‘yxatdan o‘ting.

👉🏻 Ro‘yxatdan o‘tish

#sun'iyintellekt, #samaradorlik, #ChatGPT, #MidJourney