Python dasturlash tili 1991-yilda chiqarilgan bo‘lib, bugungi kunda eng keng qo‘llaniladigan dasturlash tillaridan biri hisoblanadi. Uni mashhur qilgan omillardan biri osonligi va samaradorligidir. Python'ning eng katta afzalliklaridan biri esa foydalanuvchilar uchun ochiq kodli kutubxonalarning ko'plab turlari mavjudligidir. Ushbu kutubxonalar foydalanuvchilarga tayyor framework'lardan foydalanish va yangi machine learning (ML) va sun'iy intellekt modellarini yaratish imkoniyatini beradi.

Python kutubxonasi nima?

Python kutubxonalari foydali kodlar va funksiyalarni o‘z ichiga olgan modullar to‘plamidir. Ular dasturchilarga kodni noldan yozish zaruriyatini bartaraf etishga yordam beradi. Bugungi kunda machine learning va sun'iy intellekt bilan shug‘ullanuvchi mutaxassislar, data analitiklar uchun o‘n minglab Python kutubxonalari mavjud.

Python machine learning, sun'iy intellekt va data analitika sohasida afzal ko‘riladigan dasturlash tili hisoblanadi. Chunki uning sintaksisi va buyruqlari ingliz tiliga juda yaqin bo‘lib, uni samarali va o‘rganish uchun qulay qiladi. C++, R, Ruby va Java bilan taqqoslaganda, Python eng oddiy dasturlash tillaridan biri bo‘lib, yuqori darajadagi qulaylik, ko‘p qirrali qo‘llanilish va platformalararo moslikni ta’minlaydi. Python deyarli barcha operatsion tizim va platformalarda ishlay oladi.

3 ta eng yaxshi Python kutubxonasi

1. NumPy

NumPy — ko‘p o‘lchovli massivlar va matritsalarni qayta ishlash uchun eng mashhur Python kutubxonalaridan biri. U turli xil matematik operatsiyalarni bajarish imkoniyatiga ega bo‘lib, ayniqsa chiziqli algebra, Furye transformatsiyasi va boshqa ilmiy hisob-kitoblar uchun juda qulaydir. NumPy machine learning va sun’iy intellekt  loyihalarida asosiy rol o‘ynaydi, chunki u matritsalarni samarali qayta ishlash orqali model natijalarini yaxshilashga yordam beradi. NumPy ko‘pgina boshqa Python kutubxonalariga nisbatan tezroq va ishlatish uchun qulayroq hisoblanadi.

2. Pandas

Pandas — bu NumPy asosida yaratilgan yana bir kuchli Python kutubxonasi bo‘lib, u machine learning va modelni tayyorlash uchun data strukturalar to‘plamini tayyorlashga xizmat qiladi. Pandas ikkita asosiy ma’lumotlar tuzilmasiga tayanadi: bir o‘lchovli (Series) va ikki o‘lchovli (DataFrame). Bu kutubxona moliya, muhandislik, statistika kabi turli sohalarda keng qo‘llaniladi. Nomidan farqli ravishda, Pandas kutubxonasi juda tezkor, moslashuvchan va samarali ishlaydi. U Data analitikada ma’lumotlarni tozalash, saralash va qayta ishlash jarayonlarini osonlashtirib, machine learning modellari uchun mustahkam asos yaratadi.

Seaborn

Seaborn — bu Matplotlib kutubxonasiga asoslangan ochiq kodli Python kutubxonasi bo‘lib, u Pandas ma’lumotlar tuzilmalari bilan integratsiyalashgan. Ushbu kutubxona Data anlitikada ma’lumotlarni vizuallashtirish va grafikalar yaratish jarayonini sezilarli darajada soddalashtiradi. Machine learning loyihalarida Seaborn ayniqsa foydalidir, chunki u o‘rganish jarayonidagi ma’lumotlarni tasviriy ko‘rinishda taqdim etishga yordam beradi. Barcha Python kutubxonalari ichida Seaborn eng estetik jihatdan chiroyli grafik va diagrammalarni yaratishi bilan ajralib turadi. Shuning uchun u nafaqat machine learning, balki marketing va Data analitika sohalarida ham samarali qo‘llaniladi.

Xulosa qilib aytganda, Python sodda, o‘rganishga qulay va moslashuvchan dasturlash tili hisoblanadi. uning ko'plab kutubxonalari sizga turli sohalarda xizmat qila oladi. Masalan, Data analitika, machine learning, sun'iy intellekt bunga misol bo'ladi. Agar siz ushbu Python dasturlash tilini o'rganishni istasangiz, Najot Ta'limning dasturlash kurslariga ro'yxatdan o'ting.

😎 Ro'yxatdan o'tish

78-888-9-888

Administratsiyaga bog'lanish