Hamma ota-ona farzandining kelajagi yorqin, hayoti barqaror bo‘lishini istaydi. “Farzandim ertaga qanday yashaydi? “Qaysi kasbni o‘rgansa yuqori daromad topadi?” degan savollar ko‘pchilikni o‘ylantiradi. Bugun dunyo o‘zgaryapti. Ilgari ahamiyatli bo‘lgan kasblarning ayrimlari endi keraksiz bo‘lib boryapti. Yangi, zamonaviy sohalar esa kundan-kunga rivojlanmoqda. Ana shunday zamonda farzandiga to‘g‘ri yo‘l ko‘rsatish – ota-onaning eng muhim vazifasidir.

Hozirgi kunda texnologiyalar rivojlanib, an’anaviy kasblar o‘z o‘rnini yangi zamonaviy sohalarga bo‘shatmoqda. Farzandingiz muvaffaqiyatli va barqaror kelajakka ega bo‘lishi uchun uni zamonaviy kasblarga yo‘naltirish to'g'ri yechim bo'ladi. Ota-onalar sifatida siz bolangizning qaysi kasblar istiqbolli ekanligini tushunib, unga yo‘nalish berishingiz kerak.


Jahon Iqtisodiy Forumining 2025-yilgi "Kelajakdagi ishlar" hisobotiga ko'ra, 2030-yilgacha global mehnat bozori sezilarli o'zgarishlarga duch keladi. Ushbu davrda 170 million yangi ish o'rni yaratilishi, shu bilan birga 92 million ish o'rni yo'qolishi kutilmoqda, natijada 78 millionlik sof ish o'rni o'sishi kuzatiladi.


Hisobotda beshta asosiy omil global mehnat bozorini shakllantirishi ta'kidlangan: texnologik o'zgarishlar, yashil iqtisodiyotga o'tish, demografik siljishlar, geoiqtisodiy parchalanuvchanlik va iqtisodiy noaniqlik. Texnologik rivojlanish, xususan, sun'iy intellekt va avtomatlashtirish, ba'zi ish o'rinlarini yo'q qilish bilan birga yangi ish o'rinlarini ham yaratadi. Yashil o'tish va demografik o'zgarishlar esa qo'shimcha ish o'rinlari yaratilishiga olib kelishi kutilmoqda. 


Jahon Iqtisodiy Forumining 2025-yilgi "Future of Jobs" hisobotida eng katta e’tibor berilgan kasblar orasida quyidagilar ham mavjud.

📌 Data analitika, Data science, Big Data: Kompaniyalar katta hajmdagi ma'lumotlarni tahlil qilish va ulardan samarali foydalanish uchun ma'lumotlar bilan ishlovchi mutaxassislarg ehtiyoj sezmoqda.

📌 Sun'iy intellekt va machine learning mutaxassislari: Sun'iy intellekt va mashinani o‘rganish texnologiyalari kengayib borayotganligi sababli, ushbu soha mutaxassislariga talab oshmoqda.

📌 UI/UX dizaynerlar: sayt va mobil ilovalarning interfeys dizayni bo'yicha mutaxassislar raqamli mahsulotlarning muvaffaqiyatida muhim rol o'ynaydi.

📌 Dasturchi mutaxassislar: Dasturiy ta'minot ishlab chiqish va muhandislik sohasida mutaxassislarga talab yuqori bo'lib qolmoqda.

📌 Savdo va raqamli marketing mutaxassislari: Raqamli marketing strategiyalari va savdo bo'yicha mutaxassislar kompaniyalar uchun muhim ahamiyat kasb etmoqda.

Ushbu kasblar texnologik taraqqiyot, yashil iqtisodiyotga o'tish va raqamli transformatsiya jarayonlari bilan chambarchas bog'liq. Kelajakda ushbu sohalarda ko'nikmalarni rivojlantirish mehnat bozorida muvaffaqiyat qozonish uchun muhim omil bo'lib qoladi. Ish beruvchilar kelajakda muhim bo'ladigan ko'nikmalar qatoriga ijodiy fikrlash, moslashuvchanlik, chidamlilik va ekologik boshqaruvni kiritmoqdalar. Shuningdek, xodimlarning raqamli savodxonligi va texnologik ko'nikmalarini oshirish ham muhim ahamiyat kasb etadi.

 

Zamonaviy kasblarning afzalliklari

✅ Yuqori daromad – talabgir kasblarda ishlaydigan mutaxassislar yaxshi maosh oladi. Masalan, Najot Ta'lim markazi har doim bitiruvchilarining statistikasini ijtimoiy tarmoqlarda ulashib boradi. Unga ko'ra, bitiruvchilar o'rtacha  $500-$600 gacha daromad qilishadi. Tajriba oshishi natijasida $2000-$3000 gacha ham daromad topayotgan bitiruvchilarimiz mavjud. Dasturlash sohasini bitirgan ko'plab yoshlarimiz hozirda chet elning TOP kompaniyalarida ham ishlab kelishmoqda.

✅ Masofadan ishlash imkoniyati – AyTi va raqamli kasblar masofadan ishlashga mos bo‘lib, farzandingiz dunyoning istalgan joyidan faoliyat yuritishi mumkin bo'ladi. Masalan, grafik dizayn, SMM sohalarini o'rganib ko'plab bitiruvchilarimiz frilans sifatida onlayn ishlab kelishmoqda. Buning eng ajoyib tomonlaridan biri, farzandingiz bir vaqtning o'zida 2-3 ta loyihada faoliyat olib borishi mumkin.

✅ Kelajakda barqaror ish o‘rni – Texnologiyalar rivojlanishi bilan ushbu sohalarga talab oshib boradi. 21-asrning eng muhim nuqtasi ham shunda. Raqamli texnologiyalar bundan keyin rivojlanib boradi, ammo to'xtab qolmaydi yoki orqaga qarab ketmaydi. Yangidan yangi dasturlar, loyihalar, va kashfiyotlar qilinib boradi Bu esa zamonaviy kasblarga bo'lgan talabni doimo ushlab turadi.

Ota-onalar farzandiga qanday yordam berishi mumkin?

Kasbiy yo‘nalish bo‘yicha maslahat bering – oldin farzandingizning qiziqishlari va qobiliyatlarini aniqlab oling. Undan so'ng kelajakdagi rejalari haqida suhbatlashing. Hozirgi davr, uning tendensiyalari va mehnat bozori haqida ma'lumotlar bering. Unga mos kasblarni tavsiya qiling.

Kelajakda ish bozorini tushunishga o‘rgating – Unga mehnat bozoridagi real holatlar va istiqbolli yo‘nalishlar haqida tushuncha berib boring.

Zamonaviy kurslarga yo‘naltiring – AyTi va shunga o'xshash kelajak kasblarini o'rganish uchun o‘quv markazlarini tavsiya qiling, birga borib kuzating. Farzandingizning qo‘shimcha ta’lim olishiga yordam bering.

Xulosa

Farzandingiz muvaffaqiyatli bo‘lishi, yaxshi kasb o'rganib, ishlashi va daromad qilishi uchun hozirdan harakatni boshlang. Agar sizga  AyTi sohasi, zamonaviy kasblar haqida yanada batafsil ma'lumot kerak bo'lsa, farzandingiz bilan Najot Ta'lim markaziga tashrif buyurishingiz va yaqindan tanishishingiz mumkin. Najot Ta'lim markazi dasturlash, dizayn, marketing va Data analitika kabi sohalarda yoshlarga ta'lim berib keladi. Hozirgacha 8500 dan ortiq bitiruvchilariga ega Najot Ta'lim o'quvchilarni 16 yoshdan boshlab qabul qiladi. Ota-onalar sifatida siz bolangizga to‘g‘ri yo‘nalish berib, u uchun eng yaxshi imkoniyatlarni yaratishingiz mumkin.


Ro'yxatdan o'tish
78-888-9-888